මෙහි ඇති සිතුවම් කෙරෙහි ද බලපෑ ඇත්තේ යුරෝපීය ආභාශයයි. මානව රූප සිතුවම්හි එම ආභාශය හෙදින් දැකිය හැකිය. සිතුවම්හි දැක්වෙන ගෘහ උපකරණ බටහිර සංස්කෘතික ලක්ෂණයන් සහිත වේ. විශේෂයෙන් කාන්තා රූපයන් යුරෝපීය සාය සහ හැට්ටය සහිතව දැක්වේ. පෘතුගීසි හා ලන්දේසි යුගයේදී මෙරටට පිවිසි යුරෝපා උපකරණයන් මෙන්ම ලී බඩු ඔරලෝසු හා රාමු කළ පින්තූර මෙම විහාරයේ සිතුවම් වල දක්නට ලැබේ. මෙම විහාරයේ දැකිය හැකි සිතුවම් කලාත්මක බවින් ඉහල තැනක් ගනී . මෙහි වියන පුරා මනස්කාන්ත වූ සිතුවම් නිර්මාණය කර ඇත. විහාරයෙහි සිතුවම් වල ඇති විවිධත්වය හා ඒවායෙහි ඇති අලංකාරය හේතුකොටගෙන මේවා සංරක්ෂණය විය යුතු බවට විවිධ සංවිධාන තීරණය කොට තිබේ. මෙහි සිතුවම් හා පිළිම නිර්මාණය කරන ලද්දේ දේශීය චිත්‍ර ශිල්පියෙකු වන නදේ ශ්‍රි ගුරුන්නාන්සේ විසිනි.
No comments:
Post a Comment